काठमाडौँ । नेकपा एमालेको ११औँ महाधिवेशनअन्तर्गत नयाँ नेतृत्व चयनको प्रक्रिया निर्णायक मोडमा पुगेको छ ।
यसैक्रममा अध्यक्ष केपी शर्मा ओली नेतृत्वको समूहले पदाधिकारीदेखि केन्द्रीय समिति सदस्य, केन्द्रीय अनुशासन आयोग र लेखा आयोगसम्म रहने उम्मेदवारहरूको प्यानल टुंगो लगाएको छ ।
ओली समूहले पार्टीको भावी नेतृत्वलाई सुदृढ बनाउने लक्ष्यसहित सबै तहका संरचनामा आफ्ना उम्मेदवार निश्चित गरेको हो । पदाधिकारी चयनसँगै केन्द्रीय कमिटी र विभिन्न केन्द्रीय आयोगहरूमा अनुभवी र प्रभावशाली नेताहरूलाई समेटेर प्यानल तयार गरिएको जनाइएको छ।
महाधिवेशनमार्फत पार्टीको नयाँ नेतृत्व चयन हुने क्रममा अध्यक्ष पदमा वर्तमान अध्यक्ष केपी शर्मा ओली र वरिष्ठ उपाध्यक्ष ईश्वर पोखरेल आ–आफ्नै प्यानलसहित प्रतिस्पर्धामा उत्रिएका छन् ।