Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बुधवार , आश्विन २९, २०८२
काठमाडौं । जावलाखेलको भनिमण्डलस्थित रामबाग महलको हलमा जारी नेकपा एमालेको केन्द्रीय कमिटी बैठकमा अध्यक्ष केपी शर्मा ओलीले बैठक हलभित्र होहल्ला नगर्न भन्दै सहभागीहरुलाई थर्काएका छन् ।
ओलीले सम्बोधन गरिरहँदा झ्याप्पै बत्ति गएपछि बैठकमा होहल्ला सुरु भएको थियो । बैठकलाई सम्बोधनको क्रममा आोलीले आफ्नो पार्टी अरुजस्तो ‘चटके’ र सिमलको भुवाजस्तो उडन्ते नभएको बताइरहेका थिए ।
त्यही बेला झ्याप्प बत्ती गयो । ओली बोलिरहेका बेला शान्त हलमा बत्ती गएपछि हल्ला पनि सुरु हुन थाल्यो । बैठकमा सहभागीहरु आफ्नो स्थानबाट उठेर बाहिरतिर निस्किन थाले ।
केहीबेरमै बत्ती आयो । तर, हल्ला बन्द भएन । त्यसपछि ‘डिस्टर्ब’ महसुस गरेका ओलीले हल्ला नगर्न भन्नै सबैलाई आग्रह गरे । ओलीले भने–‘हेलो ! पछाडि के छ त्यहाँ ? केही पसल–ससल छ कि क्या हो ?’
अझै हल्ला कम नभएपछि ओलीले ‘प्लिज यो हलभित्र चाहिँ नबोलौं त’ भन्दै निर्देशन पनि दिए । केन्द्रीय कमिटीको पहिलो दिनको बैठकको उदघाटन समारोहमा केन्द्रीय सदस्यहरु बाहेक पार्टी कार्यकर्ता र मिडियाकर्मीहरु पनि थिए ।
केन्द्रीय सदस्यहरुबाहेकका अहरुलाई हलबाट बाहिर जान आग्रह गर्दै ओलीले भने–‘केन्द्रीय सदस्यहरुबाहेक अरु साथीहरु बाहिर जानु भए हुन्छ । र, बोल्न चाहिँ एकदम मनाही छ, ठ्याम्मै ।’
तर, अझै हल्ला नघटेपछि ओली अझ कडारुपमा प्रस्तुत हुँदै भने–आवाज बन्द भयो ? त्यता आवाज बन्द भयो साथीहरु ? आवाज त्यहाँ बन्द होस् है, कोही पनि नबोल्ने ।’
© 2026 All right reserved to onlinenepal.com
Design & Developed By
