काठमाडौं । काठमाडौंको कलंकीस्थित इडिफाई इन्टरनेसनल स्कुलको कम्पाउन्डमा ईभी माइक्रो भ्यान दुर्घटना भएको छ ।
स्कुलले हालै किनेको भ्यान दुर्घटना हुँदा सोही स्कूलकी विद्यार्थी सर्लाही स्थायी घर भई कुलेश्वर बस्ने ९ वर्षीया सोनाक्षी यादवको मृत्यु भएको छ ।
सोनाक्षीको कलंकीस्थित सहिद मेमोरियल अस्पतालमा उपचारका क्रममा मृत्यु भएको हो । प्रहरी वृत्त कालिमाटीका अनुसार उक्त दुर्घटनामा अन्य सातजना घाइते भएका छन् ।
सोमबार १२ः५० को समयमा स्कूलबाट बाहिर निस्कने क्रममा स्कूलको गेटको पिल्लरमा ठोक्किएर भ्यान दुर्घटना भएको थियो ।चालकलाई प्रहरीले नियन्त्रणमा लिएको छ ।