पनौतीबाट बेथानचोक जाँदै गरेको बस दुर्घटना, एक जनाको मृत्यु चार घाइते

अनलाइन नेपाल

बुधवार , जेठ २२, २०८२

बनेपा । काभ्रेको पनौतीबाट बेथानचोक गाउँपालिका–६ भुग्देउ जाँदै गरेको बस दुर्घटना हुँदा एक जनाको घटनास्थलमै मृत्यु भएको छ भने तीन जना घाइते भएका छन् ।

पनौतीबाट यात्रु लिएर जाँदै गरेको बा ३ ख ४४३५ नम्बरको बसमा भुग्देउ पुग्दा ५ जना मात्र यात्रु थिए ।

तीमध्ये ६० वर्षीय कृष्णकुमारी तिमल्सिनाको घटनास्थलमै मृत्यु भएको काभ्रे प्रहरीले जनाएको छ ।

घाइतेमध्ये बसका चालकको खुट्टामा चोट लागेको छ भने कृष्णकुमारीसँगै गएकी एक वर्षीय नातिनी संगम तिमल्सिनाको टाउकोमा चोट लागेको छ ।

त्यस्तै, कृष्णकुमारीको बुहारी संगिता आचार्य तिमल्सिनाको गोडामा चोट लागेको छ ।

घाइतेको स्थानीय पाँगु भुग्देउ स्वास्थ्यचौकीमा उपचार भइरहेको छ ।

प्रतिक्रिया दिनुहोस्

नयाँ अपडेट

थप नयाँ अपडेट

दरबार हत्याकाण्डको मात्रै नभई मदन भण्डारीदेखी निर्मला हत्याकाण्डको पनि छानबिन गरौँ : कुलमान घिसिङ