Jun 12 2026 | २०८३, जेठ २९ गते
12 Jun 2026 | शुक्रवार, जेठ २९ गते २०८३
शुक्रवार, जेठ २९ गते २०८३
Jun 12 2026 | २०८३, जेठ २९ गते
12 Jun 2026 | शुक्रवार, जेठ २९ गते २०८३
शुक्रवार , चैत्र २१, २०८१
काठमाडौं। शिक्षा मन्त्रालयले वार्तामा आउन गरेको आग्रलाई अस्वीकार गरेका आन्दोलनरत शिक्षकहरुले कार्यवाहक प्रधानमन्त्रीले गरेको आग्रहलाई पनि अस्वीकार गरेका छन् ।
शिक्षा ऐन जारी गर्ने उद्दे्रश्य बोकेर आन्दोलन गर्न काठमाडौं आएका शिक्षक महासंघको प्रतिनिधि आज कार्यवाहक प्रधानमन्त्री प्रकाशमान सिंह सहितको टोलीले बोलाएको वार्तामा पनि गएनन् ।
वार्ताका लागि दिउसो तीन बने सिंहदरबारमा बोलाएपनि महासंघले वार्तालाई खारेज गरेको हो । शिक्षा ऐन जारी गर्न माग गर्दै देशभरबाट शिक्षकहरू चैत २० गतेदेखि काठमाडौमा प्रदर्शन गरिरहेका छन् ।
आन्दोलन परिचालन समितिको संयोजक एंव महासंघको सहअध्यक्ष नानुमाया पराजुलीले २०८० असोजमा भएको सहमति अनुसार शिक्षा ऐन जारी गर्न माग गरेकी छन् ।
सरकारले पटकपटक सम्झौता गरेर धोका दिएको भन्दै सहमती मात्र नगर्ने आन्दोलनरत शिक्षकहरुले अडान लिएका छन् ।
यसअघि हिजो शिक्षा, विज्ञान तथा प्रविधि मन्त्रालयले बिहीबार विज्ञप्तिमार्फत काठमाडौं केन्द्रित आन्दोलन गरिरहेका शिक्षकहरूलाई वार्तामा बोलाएको थियो। तर, महासंघले भने वार्ताको औचित्य नभएको भन्दै ऐन जारी गर्न माग गरिरहेको छ ।
महासंघका अध्यक्ष लक्ष्मिकिशोर सुवेदीले भनेका थिए–‘पहिले नै वार्तामा बसेर सहमति भइसकेको छ । फेरि वार्ता र सहमति आवश्यक छैन । ऐन जारी गर्ने भएमात्र मन्त्रालय जान्छौं । सहमति र छलफलको आवश्यक छैन ।’
बुधबारदेखि भने अनिश्चितकालीन काठमाडौंकेन्द्रित सडक आन्दोलन गरिरहेका छन् ।
© 2026 All right reserved to onlinenepal.com
Design & Developed By
