मकवानपुर । मकवानपुरको मनहरी गाउँपालिका-६, रुपाचुरीमा चट्याङ पर्दा तीनजना घाइते भएका छन् ।
जिल्ला प्रहरी कार्यालय मकवानपुरका अनुसार शनिबार दिउँसो करिब २ बजेतिर हावाहुरीसहितको वर्षाका क्रममा अचानक चट्याङ पर्दा तीनजना घाइते भएका हुन् ।
घाइते हुनेमा ३८ वर्षीय मंगल मुक्तान, उनका १८ वर्षीय छोरा कल्सान मुक्तान र २७ वर्षीया कालिमान बल रहेका छन् । चट्याङका कारण मंगल मुक्तानको छातीमा भित्री चोट लागेको छ भने मुखबाट रगत बगेको अवस्था रहेको छ।
त्यस्तै, कालिमान बल लाई पनि छातीमा गम्भीर चोट लागेको छ भने कल्सान मुक्तान सामान्य घाइते छन् । घाइते तीनै जनालाई उपचारका लागि भरतपुरस्थित सरकारी अस्पतालमा लगिएको छ ।