Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बुधवार , बैशाख १६, २०८३
काठमाडौं । सम्पत्ति शुद्धीकरण अनुसन्धानका क्रममा पक्राउ परेका व्यवसायी शेखर गोल्छासम्बन्धी मुद्दाको सुनुवाइ आज सर्वोच्च अदालतमा हुन नसकी स्थगित गरिएको छ।
न्यायाधीश सुनिलकुमार पोखरेल र नित्यानन्द पाण्डेयको संयुक्त इजलासमा पेसी तोकिए पनि ‘हेर्न नभ्याउने’ भएपछि सुनुवाइ भोलिका लागि सारिएको हो ।
सर्वोच्च अदालतका प्रवक्ता अर्जुन कोइरालाका अनुसार व्यस्त कार्यसूचीका कारण आज सुनुवाइ हुन नसकेको र नयाँ पेसी भोलिलाई तोकिएको छ।
यसअघि सर्वोच्च अदालतले गोल्छालाई २४ घन्टाभित्र बन्दीसहित उपस्थित गराउन आदेश दिएको थियो। उक्त आदेशअनुसार उनलाई अदालतमा उपस्थित गराइए पनि सुनुवाइ हुन नसकेपछि पुनः थुनामै राखिएको छ ।
जिल्ला अदालतले भने यसअघि नै गोल्छालाई अनुसन्धानका लागि तीन दिनसम्म थुनामा राख्न अनुमति दिएको थियो। उनी विचौलिया दिपक भट्टका साझेदार पनि हुन् ।
© 2026 All right reserved to onlinenepal.com
Design & Developed By
