Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
एसपीको नेतृत्वमा छानविन समिति
बिहिवार , चैत्र ५, २०८२
काठमाडौं । कैलालीको खक्रौला भन्सार नजिकै रहेको सशस्त्र प्रहरी बलको सीमा सुरक्षा गुल्ममा तनाव भएको छ । भारतबाट नेपालतर्फ ल्याइरहेको सामान बरामद गरेको विषय विवाद हुँदा मंगलबार साँझ गुल्ममा तनाव भएको हो ।
टीकापुरको एसजीए ट्रेड एण्ड सप्लायर्सले भारतबाट जीएसटी बिलसहित ल्याइएको सामान सशस्त्र प्रहरीको बीओपी खक्रौलाले बरामद गरेको थियो ।
बिल बिजक भएकै सामान बरामद गरेर अवैध बनाएर नाकामा बीओपी प्रमुख सशस्त्र प्रहरी नायब उपरीक्षक (डीएसपी) प्रदीप पौडेलले ज्यादती गरेको भन्दै व्यवसायी आक्रोशित भएका थिए ।
सो विषयमा टीकापुर उद्योग वाणिज्य संघको टोलीसमेतको उपस्थितिमा गुल्ममा छलफल भइरहेको थियो। तर छलफल सकिएलगत्तै केही स्थानीय युवाहरू गुल्मभित्रै छिरेर आक्रमणमा उत्रिएका हुन् ।
यो विषयलाई लिएर बुधबार बीओपी पुगेको एक समूहले डीएसपी पौडेलमाथि लछारपछार गरेको भिडियो समेत सार्वजनिक भएको छ ।
घटनाको छानविन गर्न सशस्त्र प्रहरी बल नेपाल नं.७ वैद्यनाथ बाहिनीले समिति गठन गरेको छ । बाहिनीमा कार्यरत सशस्त्र प्रहरी उपरीक्षक (एसपी) अनिल कार्कीको संयोजकत्वमा ३ सदस्यीय छानविन समिति गठन गरिएको छ ।
एसएसपी दिगविजय सुवेदीले बुधबार नै डीएसपी प्रदीप पौडेल बाहेक बीओपीमा कार्यरत ३३ जना सशस्त्र प्रहरीलाई धनगढीस्थित गणमा तानेर नयाँ टिम पठाउन निर्देशन दिएका थिए ।
तर, सशस्त्र प्रहरी बल नेपाल नम्बर ३४ गण धनगढीले भने उक्त निर्देशन अहिलेसम्म कार्यान्वयन गरेको छैन ।
पछिल्लो समय सशस्त्र प्रहरीको सेटिङमा कैलालीका विभिन्न नाकाबाट तस्करी बढेको आरोप लाग्दै आएको छ । साथै सिमामा सशस्त्रले अनावश्यक दु:ख दिने गरेको आरोपसमेत छ ।
© 2026 All right reserved to onlinenepal.com
Design & Developed By
