Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बुधवार , फाल्गुण २७, २०८२
पोखरा। पोखरा महानगरपालिकाका मेयर धनराज आचार्यले नवनिर्वाचित प्रतिनिधि सभा सदस्य महावीर पुनलाई फुटपाथमा पुस्तक बिक्री नगर्न आग्रह गरेका छन् ।
सामाजिक सञ्जाल फेसबुक मार्फत मेयर आचार्यले अनुमतिबिना आफ्नो अभियानका लागि सडक र चोकमा उभिएर पुस्तक बेच्दा ट्राफिक व्यवस्थापनमा असर परेको र कानुनविपरीत भएको भन्दै फुटपाथमा पुस्तक बिक्री नगर्न आग्रह गरेका हुन् ।
मेयर आचार्यले पुनलाई सांसदको भूमिका स्मरण गराउँदै बुधबार फेसबुकमा लेखेका छन्- 'माननीयज्यू, अब तपाईँको भूमिका देशका लागि नीति र कानुन निर्माण गर्ने हो र पुस्तक व्यवसायीको भूमिका पुस्तक बिक्री–वितरण गर्ने हो । यदि तपाईँको पुस्तकको स्टक उपलब्ध गराउनु भयो भने हामी महासंघमार्फत् त्यसलाई बिक्री गरी उचित भुक्तानी तपाईंलाई उपलब्ध गराउन सहजीकरण गर्न सक्छौं । '
उनले पुनलाई पुस्तकको स्टक उपलब्ध गराए पुस्तक व्यवसायी महासंघमार्फत् बिक्री गरेर भुक्तानी उपलब्ध गराउने पनि भनेका छन् ।
म्याग्दीबाट प्रतिनिधि सभामा निर्वाचित पुनले वीरगंजमा चलिरहेको कृषि औजार कारखानाका लागि रकम आवश्यक परेको भन्दै गत सोमबारदेखि पोखराको सडक र चोकहरूमा उभिएर पुस्तक बिक्री गर्दै हिडेका छन् ।
पूर्व शिक्षमन्त्री समेत रहेका महावीरले यसअघि पनि निरन्तर आफ्नो आत्मकथा बेच्दै त्यसबाट आएको पैसाले वीरगञ्जमा रहेको कृषि औजार केन्द्रमा लगानी गर्दै आइरहेका थिए ।
© 2026 All right reserved to onlinenepal.com
Design & Developed By
