Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
मंगलवार , माघ १३, २०८२
जाजरकोट । आफ्नै साथीलाई हत्या गरेको आरोपमा जाजरकोटमा तीनजना बालक पक्राउ परेका छन् ।
जिल्ला प्रहरी कार्यालय जाजरकोटका प्रमुख डीएसपी वसन्तकुमार शर्माका अनुसार जुनीचाँदे गाउँपालिका–४ का १५ वर्षीय खिमराज विष्टको हत्या आरोपमा १४, १५ र १६ वर्षका तीनजना बालक मंगलबार पक्राउ परेका हुन् ।
उनीहरू सबै नाबालक भएकाले नाम सार्वजनिक नगरिएको प्रहरीले जनाएको छ । केही दिनदेखि हराइरहेका विष्टको खोजी गर्ने क्रममा गाउँकै जंगलमा उनको शव फेला परेको थियो। प्रारम्भिक अनुसन्धानमा उनकै साथीहरूको संलग्नता देखिएपछि पक्राउ गरिएको डीएसपी शर्माले जानकारी दिए ।
प्रहरीले जिल्ला अदालत जाजरकोटबाट पाँच दिनको म्याद लिई उनीहरूलाई हिरासतमा राखेर अनुसन्धान गरिरहेको छ ।
शर्माका अनुसार श्रीपञ्चमी अर्थात् सरस्वती पूजाका दिन शुक्रबार गाउँमै रहेको पाथीभारा मन्दिरमा दर्शन गर्न गएका बेला उनीहरूबीच झगडा भएको र सोही क्रममा विष्टको हत्या गरिएको भन्दै उनका आफन्तले शनिबार नै जाहेरी दिएका थिए ।
प्रहरीले घटनाबारे थप अनुसन्धान थालेको छ ।
© 2026 All right reserved to onlinenepal.com
Design & Developed By
