निष्काशनमा परेपछि गजुरेलले भने- सबैभन्दा पहिला संयोजक प्रचण्डमाथि कारबाही हुनुपर्छ

अनलाइन नेपाल

शनिवार , माघ १०, २०८२

निष्काशनमा परेपछि गजुरेलले भने- सबैभन्दा पहिला संयोजक प्रचण्डमाथि कारबाही हुनुपर्छ

काठमाडौं । नेपाली कम्युनिस्ट पार्टी (नेकपा) बाट निष्काशनमा परेका नेता हरिबोल गजुरेलले सबैभन्दा पहिला पार्टी संयोजक पुष्पकमल दाहाल 'प्रचण्ड' माथि नै कारबाही हुनुपर्ने बताएका छन्।

पार्टीको आधिकारिक निर्णय विपरीत काम गरेको भन्दै नेकपाबाट निष्काशनमा परेपछि गजुरेलले सबैभन्दा पहिला पार्टी संयोजकमाथि नै कारबाही हुनुपर्ने प्रतिक्रिया दिएका हुन्।

पार्टीको विधि, पद्धति र प्रक्रिया मिच्ने मुख्य व्यक्ति प्रचण्ड नै भएको भन्दै उनले बताए।

उनले भने- ' सबैभन्दा पहिला प्रचण्डलाई कारबाही हुनुपर्छ। जिल्ला पार्टीले गरेको निर्णय उल्लंघन गर्ने पहिलो व्यक्ति उहाँ नै हुनुहुन्छ।'

गजुरेलले प्रचण्डलाई पहिले कारबाहीको दायरामा ल्याएपछि मात्र अन्य नेताहरूको विषयमा कुरा गर्नु न्यायोचित हुने तर्क गरे ।

पार्टीको आधिकारिक लाइनविपरीत प्रतिनिधिसभा निर्वाचनमा उम्मेदवारी दिएको भन्दै नेकपाले आजै गजुरेलसहित ७ नेतालाई निष्काशनको घोषणा गरेको थियो ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

निष्काशनमा परेपछि गजुरेलले भने- सबैभन्दा पहिला संयोजक प्रचण्डमाथि कारबाही हुनुपर्छ