गगन थापा नेतृत्वको कांग्रेसले आधिकारिकता पाएपछि किन रिसाए महेश बस्नेत ?

अनलाइन नेपाल

शुक्रवार , माघ २, २०८२

गगन थापा नेतृत्वको कांग्रेसले आधिकारिकता पाएपछि किन रिसाए महेश बस्नेत ?

काठमाडौं । निर्वाचन आयोगले नेपाली कांग्रेसको आधिकारिकता गगन थापा पक्षलाई दिएको निर्णयप्रति नेकपा एमालेका सचिव महेश बस्नेतले असन्तुष्टि व्यक्त गरेका छन्।

सामाजिक सञ्जालमार्फत प्रतिक्रिया दिँदै बस्नेतले उक्त निर्णयलाई लोकतन्त्र र विधिको शासनमाथिको “नाङ्गो प्रहार” को संज्ञा दिएका छन्। उनले निर्वाचन आयोगजस्तो संवैधानिक निकायमै वैदेशिक हस्तक्षेप देखिएको आरोप लगाउँदै निर्णयलाई अत्यन्तै विडम्बनापूर्ण र चिन्ताजनक भएको बताएका छन्।

'नेपाली कांग्रेसको आधिकारिकता विभाजित गगन थापा पक्षलाई दिनु लोकतन्त्र र विधिको शासनमाथिको नाङ्गो प्रहार हो,' बस्नेतले लेखेका छन्, 'निर्वाचन आयोगजस्तो संवैधानिक निकायमै वैदेशिक हस्तक्षेपको नाङ्गो नाच देखिनु गम्भीर चिन्ताको विषय हो।'

उनले यस्तो अवस्थामा लोकतन्त्र, संविधान र राष्ट्रियताका पक्षधर सम्पूर्ण शक्तिहरू एकजुट भई वैकल्पिक तथा पर्यायी आन्दोलनमा उत्रिनु अपरिहार्य रहेको धारणा व्यक्त गरेका छन्।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

गगन थापा नेतृत्वको कांग्रेसले आधिकारिकता पाएपछि किन रिसाए महेश बस्नेत ?