काठमाडौं । फागुन २१ गते तोकिएको निर्वाचनको विरोधमा भोलि काठमाडौं उपत्यका बन्दको घोषणा गरिएको छ।
सीपी गजुरेल, धर्मेन्द्र बास्तोला लगायतका नेताहरू आवद्ध ६ वटा कम्युनिष्ट पार्टीहरूले संयुक्त रूपमा उपत्यका बन्दको आह्वान गरेका हुन् ।
उनीहरूले निर्वाचनलाई असंवैधानिक र जनविरोधी भन्दै सडक संघर्ष चर्काउने चेतावनी दिएका छन् ।
बन्दको घोषणा गर्दै आज काठमाडौं उपत्यकामा महास जुलुस निकालिएको थियो । जुलुसका क्रममा विभिन्न स्थानबाट झण्डै ३ दर्जन प्रदर्शनकारी पक्राउ परेका छन् ।
पक्राउ परेकाहरूलाई निषेधित क्षेत्र तोड्न खोजेको र शान्ति सुरक्षामा अवरोध पुर्याएको आरोप लगाइएको छ।