Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बुधवार , पौष १६, २०८२
कैलाली । सुदूरपश्चिम प्रदेशका मुख्यमन्त्री कमलबहादुर शाह र प्रदेश प्रहरी प्रमुख (डीआईजी) ओमबहादुर रानाबीच बुधबार भेटवार्ता भएको छ । उनीहरुबीच मुख्यमन्त्री निवासमा भेटवार्ता भएको हो ।
भेटमा मुख्यमन्त्री शाहले प्रदेशमा बढ्दो लागू औषध दुरुपयोग नियन्त्रण तथा निरुत्साहित गर्न प्रभावकारी कदम चाल्न प्रदेश प्रहरी प्रमुख रानालाई निर्देशन दिए । उनले लागू औषधले युवापुस्तामा नकारात्मक प्रभाव पारिरहेको र यसको नियन्त्रणमा प्रदेश प्रहरीको भूमिकालाई अझ सशक्त बनाउन आवश्यक रहेको उल्लेख गरे ।
साथै मुख्यमन्त्री शाहले प्रदेशको समग्र शान्ति सुरक्षा अवस्थाबारे जानकारी लिँदै सुरक्षा व्यवस्थालाई थप सुदृढ बनाउने विषयमा पनि छलफल गरे ।
प्रहरी प्रमुख रानाले लागू औषध नियन्त्रण र शान्ति सुरक्षाका क्षेत्रमा प्रदेश प्रहरी सक्रियताका साथ कार्य गरिरहेको जानकारी गराउँदै मुख्यमन्त्रीको निर्देशनलाई कार्यान्वयन गर्ने प्रतिबद्धता व्यक्त गरे ।
लागुऔषध नियन्त्रणका लागि डीआईजी रानाले नयाँ कार्ययोजना प्रस्तुत गरेका छन् । जस अनुसार उनले सबै निकायसँग छलफल गरिरहेका छन् ।
© 2026 All right reserved to onlinenepal.com
Design & Developed By
