काठमाडौं । आगामी फागुन २१ गते हुने प्रतिनिधिसभा निर्वाचनअन्तर्गत समानुपातिक निर्वाचन प्रणालीतर्फको उम्मेदवार बन्दसूची बुझाउन नेकपा एमाले निर्वाचन आयोगमा पुगेको छ ।
आज नै बन्दसूची बुझाउने अन्तिम दिन भएकाले एमालेले समयसीमाभित्र सूची दर्ता गराउन पहल गरेको हो ।
एमाले पार्टी केन्द्रीय कार्यालयका सचिव भीष्म अधिकारी, केन्द्रीय सदस्य निरज आचार्य तथा युवासंघका सचिवालय सदस्य वकिल बमसहितको टोली आयोगको कार्यालयमा उपस्थित भएको छ ।
निर्वाचन आयोगले तोकेको कार्यतालिकाअनुसार आज साँझसम्म सबै दलले समानुपातिकतर्फको बन्दसूची बुझाइसक्नुपर्ने व्यवस्था छ ।