काठमाडौं । राष्ट्रिय जनमोर्चाका अध्यक्ष चित्रबहादुर केसी आगामी प्रतिनिधिसभा निर्वाचनका लागि समानुपातिकतर्फ उम्मेदवार बनेका छन् ।
जनमोर्चाले आइतबारनिर्वाचन आयोगमा केसीको नाम पहिलो नम्बरमा राख्दै समानुपातिक उम्मेदवारहरूको बन्द सूची दर्ता गराएको हो ।
पार्टीका महासचिव मनोज भट्टका अनुसार जनमोर्चाले ११० जना उम्मेदवारको बन्द सूची आयोगमा पेस गरेको छ, जसलाई आयोगले सूची नम्बर ३ मा दर्ता गरेको छ।
अध्यक्ष केसी हाल बागलुङ जिल्ला क्षेत्र नं. २ बाट निर्वाचित प्रतिनिधिसभा सदस्यसमेत हुन् । पछिल्लो समय परिवारको स्वास्थ्य समस्याका कारण रुपन्देहीस्थित आफ्नै घरमा बस्दै आएका केसीले पार्टीको दैनिक जिम्मेवारी कार्यकारी अध्यक्ष रश्मिराज नेपालीलाई सुम्पिएका छन्।