काठमाडौं । नेपाली राष्ट्रिय क्रिकेट टिमका स्पिनर सन्दीप लामिछाने दोस्रोपटक बंगलादेशको फ्रेन्चाइज लिग बंगलादेश प्रिमियर लिग (बीपीएल) खेल्न सोमबार बंगलादेश प्रस्थान गरेका छन् ।
यसअघि सन्दीपले सन् २०१८ मा सिल्हेट स्ट्राइकर्सबाट बीपीएल खेलेका थिए । यस वर्ष भने बीपीएलकै अर्को टोली राजशाही वारियर्सले उनलाई अनुबन्ध गरेको हो ।
राजशाहीले गत मंसिर २८ गते सन्दीपलाई अनुबन्ध गरेको जानकारी दिएको थियो ।
बीपीएलको पछिल्लो संस्करणमा राजशाही पाँचौँ स्थानमा रहँदै प्रतियोगिता टुंग्याएको थियो ।