Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शनिवार , मंसिर ६, २०८२
काठमाडौं । नेकपा एमालेको जनसभामा सहभागी हुन विभिन्न जनवर्गीय संगठनले जुलुस निकालेका छन् ।
भृकुटीमण्डपमा हुने सभामा सहभागी हुन राजधानीका विभिन्न स्थानबाट एमाले कार्यकर्ताहरू सभास्थल पुग्न थालेका हुन् ।
सभाअघि भद्रकाली, सुन्धारा र रत्नपार्कबाट बिहान साढे ११ बजे सुरु हुने जुलुस बागबजार हुँदै भृकुटीमण्डप पुगेर जागरणसभामा परिणत हुनेछ। सभालाई अध्यक्ष तथा प्रधानमन्त्री केपी ओली र महासचिव शंकर पोखरेलले सम्बोधन गर्नेछन्।
२४ कात्तिकमा बसेको एमाले केन्द्रीय सचिवालय बैठकले जागरणसभा आयोजना गर्ने निर्णय गरेको थियो।
एमालेले प्रतिनिधिसभा विघटनका विरुद्ध र सुशीला कार्की नेतृत्वमा बनेको सरकार असंवैधानिक भएको आरोप लगाउँदै विरोध कार्यक्रम गर्दै आएको छ।
यसअघिको चरणमा कात्तिक २२ गते वडास्तरीय भेला, २५ गते पालिकास्तरीय र २९ गते जिल्लास्तरीय प्रदर्शन सम्पन्न गरेको थियो।
एमालेले शुक्रबार मात्रै सिन्धुलीका पुष्पराज श्रेष्ठको नेतृत्वमा ११ सदस्यीय ‘नेशनल भोलेन्टियर्स फोर्स’ गठन गरेको घोषणा गरेको छ।
एमालेले सरकारको विरोधमा चरणबद्ध कार्यक्रम गरिरहेको छ ।
यस्तै प्रदर्शनका कारण काठमाडौंको प्रदर्शनीमार्ग हुँदै सञ्चालन हुने सवारी साधन डाइभर्सन गरिएका छन् । प्रदर्शनीमार्ग हुँदै चल्ने सवारी साधनलाई पद्मोदयमोड र सभागृहमोडबाट डाइभर्सन गरिएको प्रहरीले जनाएको छ ।
एमालेको जनसभालाई मध्यनजर गर्दै बाक्लो मात्रामा सुरक्षाकर्मी परिचालन गरिएका छन् ।
© 2026 All right reserved to onlinenepal.com
Design & Developed By
