Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
आइतवार , कार्तिक २, २०८२
काठमाडौं । नेपाल विद्युत् प्राधिकरणले तिहारमा बत्तीको अभाव नहुने बताएको छ ।
झिलिमिलीको पर्व तिहारमा लोडसेडिङ नहुने र ढुक्कसँग जति पनि बत्ती बालेर चाड मनाउन प्राधिकरणले आम उपभोक्तालाई आग्रह गरेको हो ।
प्राधिकरणका अनुसार तिहारको समयमा उद्योगधन्दाहरू बन्द भइ ठुलो मात्रामा बिजुली बचत हुने भएकाले घरायसी प्रयोजनका लागि उपयोग गर्न सकिन्छ ।
प्राधिकरणका प्रवक्ता राजन ढकालले भने- 'पहिले तिहारको लक्ष्मी पूजामा सबैभन्दा बढी लोड हुन्छ भन्ने बुझाइ थियो, तर उद्योगहरू बन्द हुँदा समग्र प्रणालीमा लोड घट्छ । अहिले विद्युत् खेर जाने अवस्था छ, त्यसैले जति पनि झिलिमिली गर्न सक्नुहुन्छ ।'
उनले प्राविधिक समस्याबाहेक अन्य कारणले बत्ती नजानेमा ढुक्क हुन आग्रह गरेका छन् ।
तिहारमा उद्योगहरू बन्द हुँदा दैनिक करिब २०० देखि ३०० मेगावाट विद्युत् बचत हुनेछ । उक्त बिजुली सिधै घरायसी उपभोक्तालाई उपलब्ध गराइनेछ ।
प्राधिकरणले विद्युत् आपूर्तिमा कुनै पनि किसिमको प्राविधिक गडबडी आउन नदिन कर्मचारीहरूलाई उच्च सतर्कता अपनाउन निर्देशन दिएको छ ।
कुनै स्थानमा फल्ट भएमा तत्काल समाधान गर्न विशेष टोलीहरू तयारी अवस्थामा राखिने ढकालले बताए ।
© 2026 All right reserved to onlinenepal.com
Design & Developed By
