बारा। बारामा घर लिप्ने माटो खन्ने क्रममा ढिस्कोमा पुरिँदा एक जना महिलाको मृत्यु भएको छ । मृत्यु हुनेमा सिम्रौनगढ नगरपालिका–५ निवासी ६५ वर्षीया शरदा देवी रहेकी छन् ।
जिल्ला प्रहरी कार्यालयका अनुसार घटनामा परी भने दुई जना गम्भीर र अन्य १० जना सामान्य घाइते भएका छन्। उनीहरू आज बिहान माटो खन्न गएका थिए।
घाइतेहरूको नाम खुल्न सकेको छैन। उनीहरूलाई उपचारका लागि प्रदेशिक अस्पताल कलैया लगिएको छ।
घटनापछि तत्काल सशस्त्र प्रहरी र जनपथ प्रहरीले घाइतेहरूको उद्धार गरेका थिए।