काठमाडौं । अविरल वर्षासँगै काठमाडौंका केही स्थानका बस्तीहरु डुबानमा परेको छ। बागमती खोला किनारका सुकुम्वासी बस्ती डुबानमा परेका हुन्।
योसँगै सेना परिचालन गरेर काठमाडौँका ती वस्तीहरू खाली गराउन थालिएको छ। सुरक्षाकर्मीहरूले प्रभावित क्षेत्रका घर-घरमा पुगेर अवस्था बुझिरहेका छन् भने आवश्यक परे नागरिकलाई सुरक्षित स्थानमा सार्ने तथा सामान सार्न सहयोग गर्ने काम भइरहेको छ।
लगातारको वर्षाले खोला–नदीको जल सतह बढ्दै गएको र बागमती, मनोहरा र विष्णुमती आसपासका तटीय बस्तीहरूमा विशेष जोखिम देखिएको अधिकारीहरूले बताएका छन्।


