Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बुधवार , आश्विन १५, २०८२
काठमाडौं । ऊर्जा, जलस्रोत तथा सिँचाइ, भौतिक पूर्वाधार तथा यातायात र सहरी विकास मन्त्री कुलमान घिसिङले नवमीको दिन बुधबार बीपी राजमार्गको निरीक्षण गरेका छन् ।
यात्रुले भोग्नु परेका समस्या, ट्राफिक व्यवस्थापन तथा गत सालको बाढीले राजमार्गमा पु¥याएको क्षति पश्चातको पुनः निर्माणको अवस्थाबारे बुझ्न मन्त्री घिसिङ सडक विभागका महानिर्देशक र सम्बन्धित आयोजनाका अधिकारीसहित निरीक्षणमा पुगेका हुन्।
पूर्वी क्षेत्रलाई संघीय राजधानीसँग जोड्न महत्त्वपूर्ण रहेको १६० किलोमिटर लामो बीपी राजमार्ग जापान सरकारको अनुदान सहयोगमा निर्माण भएको थियो । गत वर्षको बाढीले यस राजमार्गको ३०.५ किलोमिटर खण्डमा क्षति पुर्याएको थियो ।
हाल भइरहेको इन्टरमिडियट लेनलाई अब बन्ने क्षतिग्रस्त राजमार्गको खण्डमा भने दुइलेनको बनाइने छ। गत वर्ष असोजमा बाढीले क्षति पुर्याएको बीपी राजमार्गको २५ किलोमिटर खण्डमा ठेक्का सम्झौता भई काम अघि बढेको छ । बाँकी खण्ड जाइकाको अनुदान सहयोगमा निर्माण हुनेछ ।
मन्त्री घिसिङले भने- 'नेपाल सरकारले गर्नुपर्ने कामको टेन्डर भइसकेको छ भने जाइकाको सहयोगमा निर्माण हुने साढे २ किलोमिटरको टेन्डर हुने क्रममा रहेको छ। दशैँ तिहारपछि काम तीव्र गतिमा सुरू गर्नेगरी तयारी भइरहेको छ। छिटोभन्दा छिटो काम गरेर सडकलाई पहिलेकै अवस्थामा ल्याउन सबै खालका सहयोग र समन्वयका काम गरिरहेका छौँ।'
मन्त्री कुलमान घिसिङले बीपी राजमार्गको पुनर्निर्माण तत्कालै सुरु हुने बताए।
उनले थपे- 'यस्तै असोजको १७, १८ र १९ गते विभिन्न जिल्लामा भारी वर्षा हुने पुर्वानुमान छ, यसबाट वीपी राजमार्ग र नारायणगढ–मुग्लिन तथा नारायणगढ–बुटवल सडक खन्डमा जोखिम रहेको भन्ने कुरा आएको छ । म सबै चालकहरूलाई सतर्कताका साथ गाडी चलाउन र यात्रुलाई पनि हतार नगरी, आवश्यक जानकारी लिएर मात्रा यात्रा गर्न आग्रह गर्दछु।'
अबको केही दिनपछि नेपालमा भारी वर्षाको पूर्वानुमान भएकाले सुरक्षित हिसाबले यात्रा गर्न मन्त्री घिसिङले आग्रह गरेका छन्।
© 2026 All right reserved to onlinenepal.com
Design & Developed By
