विराटनगर । सुनसरीको इटहरीमा दुई समूहबीच झडप हुँदा ५ जना घाइते भएका छन् ।
इटहरी कान्छी चोक नजिक लुगा धुने डिटर्जेन्ट पाउडर किनबेचका विषयमा विवाद हुँदा दुई समूहका बिचमा झडप भएको हो ।
झडप हुँदा कपाल काट्ने कैँचीले घोप्दा ५ जना घाइते भएको इलाका प्रहरी कार्यालय पकलीले जनाएको छ । झडपमा परि घाइते भएकाको अवस्था सामान्य रहेको प्रहरीले जनाएको छ ।
इलाका प्रहरी कार्यालयले घटनामा संलग्न रहेको आरोपमा दुई जनालाई नियन्त्रणमा लिएको छ ।
घाइते भएका सबैलाई स्थानीय सान्वी अस्पतालमा उपचारका लागि भर्ना गरिएको छ ।