विष्णुमति खोलामा खसेको कारबाट महिलाको उद्धार, चालकले हाम फालेर ज्यान जोगाए

अनलाइन नेपाल

बिहिवार , आषाढ १२, २०८२

विष्णुमति खोलामा खसेको कारबाट महिलाको उद्धार, चालकले हाम फालेर ज्यान जोगाए

काठमाडौं । गएराति वर्षाका कारण बढेको विष्णुमति खोलामा खसेको कारबाट एक महिलाको उद्धार गरिएको छ ।

टोखा नगरपालिका–६ स्थित ग्रान्डी अस्पताल पछाडि सडकबाट फिस्लिँदै गएको बा.प्र.०१–०३१ च ६१४१ नम्बरको निजी कार खोलामा खसेपछि कार चालक धुम्बाराहीका अंकुश सिंहले तत्काल हाम फालेर ज्यान जोगाएका थिए । तर, कारमा सवार टोखाकै भावना ओली भने गाडीभित्रै थिइन् ।

गाडीसहित बगिँदै बाँनियाटार पुलसम्म पुगेकी ओलीलाई गाडी अड्किएको अवस्थामा प्रहरी र स्थानीयवासीको साहसिक प्रयासमा उद्धार गरिएको महानगरीय प्रहरी वृत्त बालाजुले जनाएको छ ।

उद्धारपछि गम्भीर अवस्थामा रहेकी ओलीलाई ग्रिनसिटी अस्पताल पठाइएको छ । उद्धार अभियानमा खटिएका प्रहरी र स्थानीय केही व्यक्ति समेत सामान्य घाइते भएका छन्।

दुर्घटनापछि क्रेनको सहायताले गाडी खोलाबाट निकालेर नयाँ बसपार्क प्रहरी प्रभागमा राखिएको छ।

प्रतिक्रिया दिनुहोस्

नयाँ अपडेट

थप नयाँ अपडेट

विष्णुमति खोलामा खसेको कारबाट महिलाको उद्धार, चालकले हाम फालेर ज्यान जोगाए