काठमाडौं । सरकारले ल्याएको बजेटका विषयमा नेताहरूले मिश्रित प्रतिक्रिया दिएका छन् । नेपाली कांग्रेसका प्रवक्ता डा. प्रकाशशरण महतले सरकारले ल्याएको बजेट अझै बोल्ड हुनसक्ने भए पनि ठीकठाकै रहेको प्रतिक्रिया दिएका छन् ।
बिहीबार अर्थमन्त्री विष्णुप्रसाद पौडेलले संघीय संसद् बैठकमा पेस गरेको आर्थिक वर्ष २०८२–८३ को बजेटबारे प्रतिक्रिया दिँदै उनले यस्तो बताएका हुन् । सरकारले ल्याएको बजेट समग्रमा ठीकै रहेको उनले बताए ।
बजेट अझै ठोस रूपमा प्रस्तुत गर्न सकिने भए पनि समग्रमा बजेट ठीकै रहेको उनले बताए । उनले छरिएर रहेका आयोजनालाई घटाउने लगायतका केही वित्तीय अनुशासनका विषयले सकारात्मक परिणाम आउने बताए ।
महतले बजेटमा केही महत्वपूर्ण विषयहरू समावेश हुन नसकेकाले कार्यविधिबाट सम्बोधन हुने विश्वास व्यक्त गरे । राजधानी दैनिकबाट