काठमाडौं । महान्यायाधिवक्ता रमेश बडालले उच्च सरकारी वकिल कार्यालय, पाटनको भवन शिलान्यास गरेका छन् ।
बुद्धजयन्तीको अवसरमा सोमबार बडालले भवन शिलान्यास गरेका हुन् ।
करिव २६ करोड रुपैयाँ लागतमा निर्माण सुरु भएको यो आधुनिक साततले भवन उच्च सरकारी वकिल कार्यालय, पाटनको हुनेछ ।
उच्च अदालत पाटनका कामु मुख्यन्यायाधीश लालबहादुर कुँवरले कार्यालयको कामको बोझलाई ध्यानमा राख्दै नयाँ भवन निर्माणले कार्यमा सहजता ल्याउने बताए ।