घरको छतबाट लडेर नेपाल प्रहरीका असईको मृत्यु

अनलाइन नेपाल

आइतवार , बैशाख २१, २०८२

सुनसरी । नेपाल प्रहरीका सहायक प्रहरी निरीक्षक (असई) को मृत्यु भएको छ ।

आइतबार बिहान ७ः३० बजे इटहरी उपमहानगरपालिका–२०, पुष्पलाल टोलमा निर्माणाधीन घरको छतबाट लडेर ४५ वर्षीय प्रेमबहादुर कटुवालको मृत्यु भएको हो ।

निर्माणाधीन घरको छतमा पानी लगाउने क्रममा कटुवाल चिप्लिएर लडेका थिए ।

लडेर गम्भीर भएका कटुवाललाई तत्काल अस्पताल पुर्याइए पनि उपचारका क्रममा उनको मृत्यु भएको जिल्ला प्रहरी कार्यालय सुनसरीले जनाएको छ ।

कटुवाल जिल्ला प्रहरी कार्यालय धनकुटामा कार्यरत थिए र केही दिनको बिदामा आफ्नो घर इटहरी आएका थिए ।

प्रतिक्रिया दिनुहोस्

नयाँ अपडेट

थप नयाँ अपडेट

मकवानपुरमा जीप दुर्घटना हुँदा इन्जिनियरसहित चालकको मृत्यु