असार १५ भित्र शिक्षा ऐन नआए फेरि कडा आन्दोलन गर्ने महासंघको चेतावनी

अनलाइन नेपाल

बुधवार , बैशाख १७, २०८२

असार १५ भित्र शिक्षा ऐन नआए फेरि कडा आन्दोलन गर्ने महासंघको चेतावनी

काठमाडौं । नेपाल शिक्षक महासंघले तोकिएको समयमा शिक्षा ऐन जारी नभए फेरि कडा आन्दोलन गर्ने चेतावनी दिएको छ ।

बुधबार साँझ मन्त्रिपरिषद् बैठकपछि महासंघका अध्यक्ष लक्ष्मीकिशोर सुवेदीले सरकारसँगको सहमतिपछि अहिलेलाई आन्दोलन स्थगित गरिएको तर असार १५ भित्र ऐन जारी नभए कडा आन्दोलन गर्ने चेतावनी दिएका हुन् ।

उनका अनुसार, संसदीय समितिका सभापति र सत्ता साझेदार दलका प्रमुख सचेतकको लिखित प्रतिबद्धता तथा मन्त्रिपरिषद्को निर्णयपछि शिक्षक आन्दोलन स्थगित गरिएको हो ।

महासंघका अध्यक्ष लक्ष्मीकिशोर सुवेदी र महासचिव तुलावहादुर थापाद्वारा जारी विज्ञप्तिमा शिक्षा, स्वास्थ्य तथा सूचना प्रविधि समितिका सभापति र सत्तापक्षका प्रमुख सचेतकहरूले असार १५ भित्र विधेयक पारित गर्ने लिखित प्रतिबद्धता जनाएको उल्लेख छ।

प्रतिक्रिया दिनुहोस्

नयाँ अपडेट

थप नयाँ अपडेट

असार १५ भित्र शिक्षा ऐन नआए फेरि कडा आन्दोलन गर्ने महासंघको चेतावनी