प्रहरीको झण्डा ओढाएर आईजीपी थापाले गरे पूर्वआईजीपी थापाको अन्तिम बिदाइ

अनलाइन नेपाल

बुधवार , बैशाख १०, २०८२

प्रहरीको झण्डा ओढाएर आईजीपी थापाले गरे पूर्वआईजीपी थापाको अन्तिम बिदाइ

काठमाडौं । नेपाल प्रहरीका आईजीपी दिपक थापा तथा सशस्त्र प्रहरी बलका आईजीपी राजु अर्यालले मंगलबार निधन भएका पूर्वप्रहरी महानिरीक्षक (आइजीपी) दुर्लभकुमार थापालाई अन्तिम विदाई गरेका छन् ।

थापाको अन्त्येष्टी कार्यक्रममा आईजीपी दिपक थापा तथा एआईजीहरुले प्रहरी झण्डा ओढाई सम्मान व्यक्त गरेका थिए । सशस्त्र प्रहरीका आईजीपी अर्याल तथा अवकास प्राप्त आईजीपीहरु एवं वरिष्ठ प्रहरी अधिकृतहरुको उपस्थिति रहेको थियो ।

९७ वर्षको उमेरमा थपाको मंगलबार पाटनस्थित निवासमै निधन भएको थियो । थापाले २०३५ साउनदेखि २०३९ जेठसम्म आइजिपीको कार्यभार सम्हालेका थिए।

उनको कार्यकालमा नेपाल प्रहरीमा महत्त्वपूर्ण सुधार र नवीन पहलहरू भएका थिए।

उनले पर्यटक प्रहरीको स्थापना, कमाण्डो तालिमको सुरुवात, प्रहरी पहरा गणको गठन, र महानिरीक्षकको निवास निर्माण जस्ता उल्लेखनीय कार्यहरू गरेका थिए।

प्रतिक्रिया दिनुहोस्

नयाँ अपडेट

थप नयाँ अपडेट

प्रहरीको झण्डा ओढाएर आईजीपी थापाले गरे पूर्वआईजीपी थापाको अन्तिम बिदाइ