Jun 12 2026 | २०८३, जेठ २९ गते
12 Jun 2026 | शुक्रवार, जेठ २९ गते २०८३
शुक्रवार, जेठ २९ गते २०८३
Jun 12 2026 | २०८३, जेठ २९ गते
12 Jun 2026 | शुक्रवार, जेठ २९ गते २०८३
बुधवार , बैशाख १०, २०८२
काठमाडौं । भारतको जम्मु कश्मिरमा आतंकवादी हमलामा मारिएकामध्ये सुदीप न्यौपाने ४ दिनअघि शनिबारमात्रै आमा, बहिनी र ज्वाइँलाई लिएर घुम्न गएको खुलेको छ ।
बुटवल–१४ बेलबरियाका न्यौपानेको आतंकवादी आक्रमणबाट उनको मृत्यु भएको पुष्टि भइसकेको छ । सुदीप परिवारका एक्ला छोरा हुन् । उनी धरानमा पब्लिक हेल्थ पढ्दै थिए ।
गत शनिबार आमा रिमा पाण्डे, बहिनी सुष्मा र ज्वाइँ उज्ज्वल काफ्लेसहित कश्मिर गएका सुदीपमाथि बन्दूकधारीहरूले आक्रमण गरेका थिए ।
सुदीपका बुवा बुटवल–१४ बेलबरियामा विक्षिप्त अवस्थामा छन् । सुदीपको शव बुधबार नेपाल ल्याउने तयारी गरिएको वडाध्यक्ष समेत रहेका काका दधिरामले बताएका छन् ।
दधिरामका अनुसार शवलाई कश्मिरबाट दिल्ली र दिल्लीबाट काठमाडौं ल्याउने तयारी गरिएको छ ।
जम्मु कश्मिरस्थित पहलगाममा मंगलबार पर्यटकको समूहमाथि भएको आक्रमणमा उनी परेका हुन् ।
वडा अध्यक्ष न्यौपानेका अनुसार बन्दूकधारीहरूको उक्त समूहले बाटोमा हिँड्दै गरेका सुदीपलाई ‘नाम र धर्म के हो’ भन्दै सोधेपछि एकाएक गोली हानेको थियो । साथमा रहेका आमा, बहिनी र ज्वाइँ सकुसल छन् ।
सुदीपलले एकदिनअघि मात्र सामाजिक सञ्जाल फेसबुकमा कश्मिरमा रहेको तस्बिर सार्वजनिक गरेको भेटिएको छ । सुदीपले इन्दिरा गान्धी इन्टरनेशनल एयरपोर्ट र कश्मिर पुगेको तस्वीर स्टोरीमा राखेका थिए ।
सो स्थानमा ५ जना आतंककारीहरुले सुदीपसहित २६ जनाको गोली हानी हत्या गरेको समाचार बाहिरिएसँगै बुटवलसँगै देश नै पुरै शोकमय बनेको छ ।
भारतीय मिडियाहरुका अनुसार बैसारन सुन्दर भएकाले मिनी स्विटजरल्याण्ड’ भन्ने गरिन्छ । सो स्थान पर्यटकमाझ चर्चित छ ।
त्यहाँ घुम्न गएका पर्यटकहरुमाथि मंगलबार गोली हानी हत्या गरिएको हो । आतंकवादीहरुले नियन्त्रणमा लिएर नाम सोधी–सोधी पर्यटकलाई गोली हानेर मारेको दैनिक भाष्करले समाचारमा उल्लेख गरेको छ । मारिनेहरुमा नेपाल र यूएईका नागरिकसहित भारतकै गुजरात, महाराष्ट्र, कर्नाटक, तमिलनाडु र ओडिशाका छन् ।
© 2026 All right reserved to onlinenepal.com
Design & Developed By
