सिरहा नगरपालिकाले ५ महिनापछि पायो प्रमुख प्रशासकीय अधिकृत

अनलाइन नेपाल

सोमवार , बैशाख ८, २०८२

सिरहा नगरपालिकाले ५ महिनापछि पायो प्रमुख प्रशासकीय अधिकृत

काठमाडौं । सिरहा नगरपालिकाले झन्डै पाँच महिनापछि प्रमुख प्रशासकीय अधिकृत पाएको छ ।

सङ्घीय मामिला तथा सामान्य प्रशासन मन्त्रालयले प्रमुख प्रशासकीय अधिकृतका रूपमा नगरपालिकाकै स्वास्थ्य शाखा प्रमुख मोहम्मद इद्रिस राइनलाई जिम्मेवारी तोकेर कामकाजमा खटाएपछि आजदेखि प्रमुख प्रशासकीय अधिकृत हाजिर भएका हुन् ।

यसअघि, नगरपालिकामा कार्यरत प्रमुख प्रशासकीय अधिकृत बलिराम यादवको गत माघमा आर्थिक तथा प्रशाासनिक जिम्मेवारी खोसिएपछि नगरपालिका प्रमुख प्रशासकीय अधिकृतविहीन बनेको थियो ।

जसले गर्दा कार्यालयको दैनिक कामकाज प्रभावित भएको थियो । नयाँ प्रमुख प्रशासकीय अधिकृत राइनलाई आज नगर प्रमुख डा.नवीनकुमार यादवले नगरपालिकामा स्वागत गरेका छन् ।

स्वागत गर्दै नगर प्रमुख यादवले अधिकृत राइनलाई नगरपालिकाको हरेक गतिविधिहरू जनताको पक्षमा गर्न निर्देशन दिएका थिए ।

प्रतिक्रिया दिनुहोस्

नयाँ अपडेट

थप नयाँ अपडेट

सिरहा नगरपालिकाले ५ महिनापछि पायो प्रमुख प्रशासकीय अधिकृत