रुपन्देही । रुपन्देहीमा एक महिलामाथि गोली प्रहार भएको छ ।
जिल्ला प्रहरी कार्यालय रुपन्देहीका अनुसार बुटवल उपमहानगरपालिका–११ बुद्धनगरमा बस्ने टिका विष्ट क्षेत्रीमाथि आज बिहान गोली प्रहार भएको हो ।
उनको पछाडीबाट कम्मरमाथि गोली लागेको र गम्भिर घाइते भएकाले अहिले लुम्बिनी प्रादेशिक अस्पतालमा उपचार भइरहेको छ ।
उनी पाल्पाको रैनादेवी छहरा घर भइ बुटवल-११ बुद्धनगर बस्दै आएकी थिइन् ।
गोली प्रहार गर्ने व्यक्तिको पहिचान भएको छैन । प्रहरीले घटनाको थप अनुसन्धान थालेको छ ।