वर्षमान पुन भन्छन् - गभर्नर नियुक्तिमा ठूलो आर्थिक चलखेल हुँदैछ

अनलाइन नेपाल

शुक्रवार , बैशाख ५, २०८२

वर्षमान पुन भन्छन् - गभर्नर नियुक्तिमा ठूलो आर्थिक चलखेल हुँदैछ

काठमाडौं । नेकपा माओवादी केन्द्रका उपमहासचिव एवं पूर्वअर्थमन्त्री वर्षमान पुन `अनन्त´ले नेपाल राष्ट्र बैंकको गभर्नर नियुक्तिमा ठूलो आर्थिक चलखेल भइरहेको आरोप लगाएका छन् ।

पार्टी सम्वद्ध रोल्पा काठमाडौं सम्पर्क समन्वय समितिद्वारा शुक्रबार चन्द्रागिरीमा गरेको कार्यक्रममा पुनले यस्तो बताएका हुन ।

उनले सरकार स्वार्थ समूहले अगाडि सारेका व्यक्तिलाई गभर्नर नियुक्ति गर्न अग्रसर रहेको बताए । यसअघि विभिन्न नियामक निकायमा स्वार्थ समूह र बिचौलियाको स्वार्थमा नियुक्ति गरेको सरकारले उनीहरूकै चाहनामा गभर्नर नियुक्त गर्न चाहेको उनको भनाइ थियो ।

पुनले पैसामा खरिद गरेर गभर्नर वा नियामकीय जिम्मेवारी प्राप्त गर्नेले पनि आफू सधैं पदमा रहिरहने नसोच्न चेतावनी दिए ।

पुनले राज्यका निकायहरूमार्फत अर्थतन्त्रमा कब्जा जमाउन चाहने स्वार्थ समूहले नै वर्तमान कांग्रेस–एमाले सरकार बनाएको विभिन्न घटनाक्रमले पुष्टि गरेको बताए । उनले कांग्रेस–एमाले सरकार पूर्ण रुपमा असफल भएको पनि टिप्पणी गरे ।

प्रतिक्रिया दिनुहोस्

नयाँ अपडेट

थप नयाँ अपडेट

वर्षमान पुन भन्छन् - गभर्नर नियुक्तिमा ठूलो आर्थिक चलखेल हुँदैछ