बालेनको सहमतिविना काठमाडौंका प्रशासकीय अधिकृतले लगाए तोक

अनलाइन नेपाल

शुक्रवार , चैत्र २१, २०८१

बालेनको सहमतिविना काठमाडौंका प्रशासकीय अधिकृतले लगाए तोक

काठमाडौं । काठमाडौं महानगरपालिकाका प्रमुख प्रशासकीय अधिृकत सरोज गुरागाईंले कर्मचारीको तलबका लागि तोक लगाइदिएका छन् ।

मेयर बालेन्द्र शाह ‘बालेन’ कार्यालयमा नभएको मौकामा उपमेयरसहित केही वडाध्यक्ष र कर्मचारीहरुको आडबलमा विहिबार कार्यालय प्रवेश गरेका उनले आज कार्यालय समय सुरु हुनासाथ कर्मचारीको तलबका लागि तोक लगाइदिएका हुन् ।

मेयर शाह आज पनि कार्यालयमा उपस्थित भएका छैनन् । हिजो काभ्रेको पाँचखाल पुगेका शाह आज दोलखा पुगेका छन् । उनले आज दोलखा भिमेश्वरको दर्शन गरेको भिडियो सामाजिक सञ्जालमा भाइरल छ ।

महानगरपालिकाका एक कर्मचारीका अनुसार, आगामी सोमबारसम्म कर्मचारीहरुले तलब पाउनेगरी गुरागाईंले शुक्रबार तोक लगाएका हुन् ।

यसअघि गत पुस ७ गतेदेखि बिदामा बसेका गुरागाईं हिजो कार्यालय हाजिर भएका थिए ।

उनी हाजिर गर्न पुगेलगत्तै महानगरमा केहीबेर तनाव भएको थियो । उनलाई रोक्न महानगर प्रहरी समेत खटाइएको थियो ।

तर, कर्मचारीहरूले उनलाई रोक्न नदिँदै र्काकक्षसम्म पुर्‍याएका थिए ।

प्रतिक्रिया दिनुहोस्

नयाँ अपडेट

थप नयाँ अपडेट

बालेनको सहमतिविना काठमाडौंका प्रशासकीय अधिकृतले लगाए तोक