Jun 12 2026 | २०८३, जेठ २९ गते
12 Jun 2026 | शुक्रवार, जेठ २९ गते २०८३
शुक्रवार, जेठ २९ गते २०८३
Jun 12 2026 | २०८३, जेठ २९ गते
12 Jun 2026 | शुक्रवार, जेठ २९ गते २०८३
शुक्रवार , चैत्र २१, २०८१
पाँचथर । पाँचथरको कुम्मायकमा डढेलोमा पर्दा गम्भीर घाइते भएकी २२ वर्षीया प्रतिमा सम्वाहाम्फेको निधन भएको छ ।
उनलाई उपचारका लागि धरान लैजाँदै गर्दा धनकुटा स्थित भेडेटार नजिक पुगेपछि ज्यान गएको हो ।
जिल्ला प्रहरी कार्यालय पाँचथरका अनुसार कुम्मायक गाउँपालिका ३ ताम्राखुका अमरसिंह थापा र पदम खड्काको निजी बनमा लागेको डढेलोमा पर्दा घाइते भएका स्थानीय २८ वर्षीया सपना सम्बाहाम्फे, उनकी ११ वर्षीया छोरी सिवाना सम्बाहाम्फ र ६० वर्षीया निरमाया सम्बाहाम्फेलाई उपचारार्थ धरान स्थित बिपी कोइराला स्वास्थ्य विज्ञान प्रतिष्ठान धरानमा भर्ना गरिएको छ ।
उनीहरूको पनि अवस्था चिन्ताजनक रहेको बताइएको छ । आगो निभाउने क्रममा कुम्मायक १ का धनबहादुर विश्वकर्माको पनि खुट्टा भाँचिएको छ ।
यस्तै फिदिम नगरपालिका १३ जौवारिको जङ्गलमा बिहीबार मध्यान्ह लागेको डढेलोमा पर्दा ४७ वर्षकी स्थानीय उषाकला नेम्वाङ राई गम्भीर भएका छन् ।
उनी जङ्गलमा दाउरा खोज्न गएका बखत सल्केको डढेलोमा पर्दा जलेकी थिइन् । उनको पनि अवस्था गम्भीर रहेको बताइएको छ ।
© 2026 All right reserved to onlinenepal.com
Design & Developed By
