कञ्चनपुर । कञ्चनपुरमा चट्याङ लागेर युवकको मृत्यु भएको भनिएको घटना शंकास्पद भएको खुलेको छ । कृष्णपुर नगरपालिका–७ कलुवापुरका ३२ वर्षीय पदम रानाको प्रहरीले आइतबार चट्याङ लागेर मृत्यु भएको भनेको थियो ।
तर उनलाई चट्याङ लागेको नभएर जंगली जनावर मार्न थापेको विद्युतीय धरापमा परेर मृत्यु भएको आशंका गरिएको छ । रानाको परिवारसहितले घटना लुकाउने उद्देश्यले प्रहरीलाई झुठो सूचना दिएको दाबी गरिएको छ ।
रानाको विद्युतीय धरापमा परेर मृत्यु भएको हुनसक्ने तर घटना लुकाउन चट्याङ लागेको देखाउन खोजिएको आशंका गरिएको छ ।
यता जिल्ला प्रहरी कार्यालय कञ्चनपुरले घटनाबारे अनुसन्धान भइरहेकाले अहिले केही भन्न नसकिने बताएको छ ।
प्रहरीकाअनुसार मृतक रानाको शव परीक्षणपछि आइतबार नै परिवारले बुझेका छन् । तर शव परीक्षण रिर्पोट प्राप्त हुन बाँकी रहेको छ ।
Leave a Reply