काठमाडौं । पश्चिमी वायुका साथै स्थानीय वायुको प्रभावले मुलुकका केही क्षेत्रमा आज बदली र वर्षाको सम्भावना रहेको छ ।

मौसम पूर्वानुमान महाशाखाका अनुसार लुम्बिनी, सुदूरपश्चिम, कर्णाली र गण्डकी प्रदेशमा पश्चिमी वायुको प्रभाव सामान्य परेको हो ।

त्यस्तै कोशी, मधेस र बागमती प्रदेशमा भने आंशिक प्रभाव परेको महाशाखाले जनाएको छ ।

कोशी, मधेस, वागमती र गण्डकी प्रदेशका पहाडी भूभागमा आंशिक बदली भएको छ ।

दिउँसो कोशी, वागमती र गण्डकी प्रदेशका पहाडी भूभागमा आंशिक बदलीदेखि मौसम मुख्यतया सफा रहने महाशाखाको अनुमान छ।

तीनवटै प्रदेशको पहाडी भूभागका एकदुई स्थानमा मेघ गर्जन र चट्याङसहित हल्का वर्षाको पनि सम्भावना छ । आज राति कोशी र गण्डकी प्रदेशका पहाडी भूभागका एकदुई स्थानमा हल्का वर्षाको सम्भावना रहेको महाशाखाले जनाएको छ ।