काठमाडौं । यस वर्षको मनसुन काठमाडौँ उपत्यकाबाट बाहिरिएको छ ।

मौसम पूर्वानुमान महाशाखाका अनुसार यस वर्षको मनसुन कर्णाली प्रदेश, लुम्बिनी प्रदेश र गण्डकी प्रदेशका सम्पूर्ण भू–भागका साथै काठमाडौँ उपत्यकाबाट मङ्गलवारदेखि बाहिरिएको हो।

महाशाखाका अनुसार बागमती प्रदेशको पश्चिमी भूभाग र मधेस प्रदेशका पश्चिमी भू–भागका थोरै स्थानबाट पनि मनसुन बहिर्गमन भएको छ।

हाल कोशी प्रदेशलगायत मधेश प्रदेश र बागमती प्रदेशको पूर्वी भूभागमा मनसुनी वायुको प्रभाव रहेको बताइएको छ । यस वर्षको मनसुन गत जेठ २८ गते नेपालमा भित्रिएको थियो ।