चितवन। चितवन मेडिकल कलेजमा उपचाररत  एक जना कोरोना भाइरस (कोभिड–१९)संक्रमितको आज दिउसो मृत्यु भएको छ ।

पूर्वी नवलपरासी गैंडाकोट नगरपालिका–२ का ३७ वर्षीय पुरुषको दिउँसो २ः२० मृत्यु भएको अस्पतालका निर्देशक डा।दयाराम लम्सालले जानकारी दिए ।  मिर्गौलाको रोगबाट ग्रसित उनी भदौं ९ गते अस्पतालमा भर्ना भएमा उनको भदौं १० गते कोरोना पुष्टि भएको हो । उनको आइसोलेसन वार्डमा उपचार भइरहेको थियो ।

यसअघि गएराती १२ः२३ बजे भरतपुर–११ की ४० वर्षीया कोरोना संक्रमितको सोही अस्पतालमा मृत्यु भएको थियो ।

योसंगै चितवनमा कोरोनाबाट मृत्यु हुनेको संख्या १९ पुगेको छ ।