कोरोना संक्रमणबाट चितवनमा वडा सदस्यसहित दुई जनाको मृत्‍यु::Best Online News Portal of Nepal

कोरोना संक्रमणबाट चितवनमा वडा सदस्यसहित दुई जनाको मृत्‍यु

कोरोना संक्रमणबाट चितवनमा वडा सदस्यसहित दुई जनाको मृत्‍यु

अनलाइन नेपाल
  • शनिबार, कार्तिक १ २०७७

  • 1.5K
    SHARES

  • कोरोना संक्रमणबाट चितवनमा वडा सदस्यसहित दुई जनाको मृत्‍यु

    चितवन। कोरोना भाइरस  संक्रमणबाट चितवनको खैरहनी नगरपालिका–१२ का वडा सदस्य ४१ वर्षीय बद्रीबहादुर पाण्डेको मृत्‍यु भएको छ ।

    भरतपुर अस्पतालको कोभिड आइसीयूमा उपचाररत क्यान्सर रोगबाट ग्रसित पाण्डेको आज विहान १ः४५ बजे मृत्यु भएको अस्पतालले जनाएको छ ।

    असोज २८ गते कोरोना संक्रमण पुष्टि भएका पाण्डे असोज ३० गते श्वासप्रश्वास, खोकीसहितको समस्या भई अस्पताल भर्ना भएका थिए । स्वास्थ्य अवस्था थप जटिल बनेपछि उनलाई भेन्टिलेटरमा राखी उपचार गरिएको थियो ।

    उनी २०७४ सालको स्थानीय तहको निर्वाचनमा नेपाली काँग्रेसबाट वडा सदस्यमा निर्वाचित भएका थिए ।

    त्यस्तै चितवन मेडिकल कलेजमा उपचाररत खैरहनी नगरपालिका वडा नं. ६ निवासी ६८ वर्षीया महिलाको पनि कोरोना संक्रमणबाट मृत्यु भएको छ ।

    ज्वरो, खोकी र निमोनियाको समस्याग्रस्त उनलाई असोज २७ गते  कोरोना संक्रमण पुष्टि भएको थियो ।

    कोभिड आईसीयूमा राखेर उपचार गर्ने क्रममा आज बिहान उनको मृत्यु भएको चितवन मेडिकल कलेजले जनाएको छ ।

    सम्बन्धित विषय

    अनलाइन नेपालमा प्रकाशित समाचारको बारेमा कुनै प्रतिक्रिया, सुझाव तथा सूचना दिनुपरेमा [email protected] मा पठाउनुहोला । निरन्तर समाचारको लागी हामीसँग फेशबुक तथा ट्वीटरमा जोडिन सक्नुहुनेछ ।

    प्रतिक्रिया

    सम्बन्धित समाचार