Jun 13 2026 | २०८३, जेठ ३० गते
13 Jun 2026 | शनिवार, जेठ ३० गते २०८३
शनिवार, जेठ ३० गते २०८३
Jun 13 2026 | २०८३, जेठ ३० गते
13 Jun 2026 | शनिवार, जेठ ३० गते २०८३
शनिवार , जेठ ३०, २०८३
सुर्खेत । सुर्खेत जिल्ला प्रहरी कार्यालयको थुनुवाकक्षमा रहेका एक युवकको मृत्यु भएको छ ।
मृत्यु हुनेमा जिल्लाको वीरेन्द्रनगर नगरपालिका–१०, पिपिराका २१ वर्षीय साबिर बक्स रहेका छन् ।
प्रहरीका अनुसार बक्स चोरी मुद्दामा २७ गते पक्राउ परेका थिए । प्रहरीले बुधबार म्याद थप गरेर उनीमाथि अनुसन्धान गरिरहेको थियो ।
जिल्ला प्रहरी कार्यालय सुर्खेतका अनुसार आज बिहान ४ः३० बजे बक्स अचेत अवस्थामा भेटिएका थिए ।
उनलाई कर्णाली प्रदेश अस्पताल पुर्याइएको थियो । तर, अस्पतालले उनलाई बिहान ५ः३२ मृत घोषणा गरेको थियो ।
यता मृतकका आफन्तले भने घटनालाई शंकास्पद भन्दै कुटपिटका कारण मृत्यु भएको हुनसक्ने आशंका व्यक्त गरेका छन् । उनीहरूले पक्राउपछि कुनै समस्या नभएको व्यक्तिको थुनुवाकक्षमै मृत्यु हुनु गम्भीर विषय भएको बताएका छन् ।
प्रहरीले भने मृत्युको वास्तविक कारण पोष्टमार्टम रिपोर्ट आएपछि मात्र खुल्ने जनाएको छ ।
© 2026 All right reserved to onlinenepal.com
Design & Developed By
