Jun 12 2026 | २०८३, जेठ २९ गते
12 Jun 2026 | शुक्रवार, जेठ २९ गते २०८३
शुक्रवार, जेठ २९ गते २०८३
Jun 12 2026 | २०८३, जेठ २९ गते
12 Jun 2026 | शुक्रवार, जेठ २९ गते २०८३
शुक्रवार , जेठ २९, २०८३
काठमाडौं । उपत्यका विकास प्राधिकरणअन्तर्गत बागमती नगर जग्गा एकीकरण आयोजना, गौरीघाटमा करार सेवामा कार्यरत अमिन दिनेशप्रसाद यादव भ्रष्टाचार मुद्दामा दोषी ठहर भएका छन् ।
विशेष अदालतले उनलाई एक वर्ष कैद, सवा करोड रुपैयाँभन्दा बढी जरिवाना तथा अवैध सम्पत्ति जफत गर्ने फैसला सुनाएको छ ।
विशेष अदालतका न्यायाधीशहरू सुदर्शनदेव भट्ट, उमेश कोइराला र विदुर कोइरालाको इजलासले शुक्रबार फैसला सुनाउँदै यादवले आफ्नो वैधानिक आम्दानीभन्दा १ करोड १२ लाख ७० हजार ६६८ रुपैयाँ बढी गैरकानुनी रूपमा आर्जन गरेको ठहर गरेको हो।
अदालतले उक्त रकम बराबरको जरिवाना तिराउन आदेश दिएको छ । साथै थप ४ लाख ५० हजार ८२६ रुपैयाँ जरिवाना पनि तोकिएको छ। यससँगै १ करोड १२ लाख ७० हजार ६६८ रुपैयाँ बराबरको जग्गा जफत गर्ने आदेशसमेत भएको छ।
अख्तियार दुरुपयोग अनुसन्धान आयोगले २०६३ भदौ ८ गतेदेखि २०८१ असार मसान्तसम्मको अवधिमा यादवको आय–व्यय विश्लेषण गर्दा २ करोड ४२ लाख २० हजार ३०१ रुपैयाँ ३० पैसा वैध आम्दानी देखिएको तर ५ करोड ७१ लाख ६६ हजार ३ रुपैयाँ ५१ पैसा खर्च गरेको दाबी गर्दै मुद्दा दायर गरेको थियो।
यद्यपि विशेष अदालतले अख्तियारले दाबी गरेको सम्पूर्ण रकमलाई अवैध नठहर गर्दै अनुसन्धानबाट पुष्टि भएको १ करोड १२ लाख ७० हजार ६६८ रुपैयाँलाई मात्रै गैरकानुनी सम्पत्ति मानेर फैसला गरेको हो।
© 2026 All right reserved to onlinenepal.com
Design & Developed By
