Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
'जबसम्म सरकार जिम्मेवार हुँदैन, हामी पछि हट्दैनौँ'
बुधवार , जेठ ६, २०८३
काठमाडौं । श्रम संस्कृति पार्टीका अध्यक्ष एवम सांसद हर्क साम्पाङले सरकारलाई सदनप्रति जिम्मेवार बनाउन आफूहरू निलम्बन हुन तयार रहेको बताएका छन् ।
बुधबार प्रतिनिधि सभा बैठकपछि संसद भवन परिसरमा सञ्चारकर्मीहरुसँग कुरा गर्दै अध्यक्ष साम्पाङले सरकारलाई सदनप्रति जिम्मेवार बनाउन आफूहरूले आगामी पाँचवर्षसम्म निरन्तर विरोध गर्ने बताएका हुन् ।
विरोध गरेकै कारण आफूहरू निलम्बन हुन पनि तयार रहेको साम्पाङको भनाई छ ।
उनले भने- 'जबसम्म सरकार जिम्मेवार हुँदैन, हामी पछि हट्दैनौँ । हाम्रो विरोध पाँच वर्ष नै चल्छ । जनताको लागि, सार्वभौम संसदका लागि निलम्बन हुन पनि तयार छौँ।'
आज पनि प्रतिनिधिसभा बैठकमा श्रम संस्कृति पार्टीका सांसदहरूले पर्चा देखाएर विरोध जनाएका थिए । निरन्तरको विरोधपछि सभामुख डीपी अर्यालले उनीहरूलाई सदमा मर्यादित भएर बस्न चेतावनी दिएका थिए ।
तर, सदनबाट बाहिर निस्किएर सञ्चारकर्मीहरूसँग कुरा गर्दै साम्पाङले पर्चा देखाएर गरेको प्रदर्शन जारी राख्ने बताएका छन् ।
सरकारलाई प्रश्न गर्न नदिनेगरि सभामुखले गरेको रुलिङको समेत आफूहरूको विरोध रहेको उनले बताए ।
उनले भने- 'सभामुख सबैको साझा हो । सभामुखको अभिव्यक्ति र व्यवहार साझा हुनुपर्छ । हामीले एउटा पर्चा देखाएर, हाम्रो यो छ माग, यो छ विरोध, यहाँनिर हाम्रो असहमति छ भन्न पाइँदैन ?'
© 2026 All right reserved to onlinenepal.com
Design & Developed By
