Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
'प्रधानमन्त्री आफनो कर्तव्य पूरा गर्न सक्नु हुन्न भने मार्गप्रशस्त गर्दा राम्रो'
बिहिवार , जेठ ७, २०८३
काठमाडौं । श्रम संस्कृति पार्टीका अध्यक्ष तथा प्रतिनिधिसभा सांसद हर्क साम्पाङले आज पनि संसदमा विरोध जनाएका छन् ।
साम्पाङले आज पनि प्रतिनिधिसभा बैठक सुरु हुने वित्तिकै उठेर प्लेकार्ड देखाएर विरोध जनाएका हुन् ।
जेठ ४ गतेदेखिका प्रतिनिधिसभाको बैठकमा निरन्तर प्लेकार्ड देखाउँदै आएका साम्पाङलाई बुधबार सभामुख डोलप्रसाद अर्यालले आफ्नो व्यवहार सच्याउन चेतावनी दिएका थिए ।
तर आज पनि उनी संसदमा उठेर प्ले कार्डसहित प्रस्तुत भएका हुन्। यद्यपी सभामुख अर्यालले आज भने उनलाई बोल्न समय दिए ।
साम्पाङ मंगलबारको प्रतिनिधिसभा बैठकमा पनि सभामुख अर्याल समय नदिएपछि बैठकबाटै बाहिरिएका थिए ।
साम्पाङले प्रधानमन्त्री वालेन्द्र शाह(बालेन)ले आफ्नो कर्तव्य पूरा गर्न नसक्ने भए मार्ग प्रशस्त गर्दा राम्रो हुने बताएका छन् ।
संसद्मा बोल्दै उनले भने- 'यदि उहाँ आफनो कर्तव्य पूरा गर्न सक्नु हुन्न भने उहाँले मार्ग प्रशस्त गर्दाखेरी राम्रो । उहाँ नेपाली जनता, लोकतन्त्रद्वारा स्थापित नेपाली जनताको मतद्धारा स्थापित संसदप्रति जवाफदेही हुनुहुन्न भने उहाँ को प्रति जवाफदेही हुनुहुन्छ ? शंका गर्ने ठाउँ छ यहाँ ।'
सांसद राईले संसद् नियमावलीमा सांसदले उठाएका प्रश्नको जवाफ सम्बन्धित मन्त्रीले ७ दिनभित्र दिनुपर्ने भए पनि वैशाख २८ गते राखेका प्रश्नको जवाफ आफूहरूले अझसम्म नपाएको बताए ।
साथै उनले गृह र रक्षा मन्त्रालय प्रधानमन्त्री शाहले राखेकाले आफूहरूले उठाएका लिपुलेकको सीमा र सुरक्षासम्बन्धी प्रश्नका जवाफ प्रधानमन्त्री शाह स्वयं प्रतिनिधि सभामा आएर दिनुपर्ने बताए ।
© 2026 All right reserved to onlinenepal.com
Design & Developed By
