Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शनिवार , बैशाख २६, २०८३
एजेन्सी । अमेरिकाका राष्ट्रपति डोनाल्ड ट्रम्पले रुस र युक्रेनबीच तीन दिनका लागि युद्धविराम घोषणा गरेका छन् ।
उनका अनुसार मे ९ देखि ११ सम्म लागू हुने युद्धविराम अवधिमा दुवै देशले लडाइँका गतिविधि रोक्ने र हजारौँ युद्धबन्दी आदानप्रदान गर्नेछन् ।
ट्रम्पले आफ्नो सामाजिक सञ्जाल ‘ट्रुथ सोसल’मार्फत युद्धविरामको घोषणा गर्दै रुस र युक्रेन दुवै दोस्रो विश्वयुद्धसँग ऐतिहासिक रूपमा जोडिएका देश भएकाले यो अवधि शान्तिको सन्देश दिन महत्वपूर्ण हुने बताएका छन् ।
उनले लेखेका छन्, 'म यो घोषणा गर्न पाउँदा खुसी छु– रुस र युक्रेनबीच मे ९, १० र ११ तीन दिन युद्धविराम हुनेछ । रुसले विजय दिवस मनाउँदै छ र युक्रेनले पनि मनाउँदै छ, किनकि उनीहरू पनि दोस्रो विश्वयुद्धका हिस्सा हुन् ।'
ट्रम्पले आफ्नो आग्रह स्वीकार गरेको भन्दै रुसी राष्ट्रपति भ्लादिमिर पुटिन र युक्रेनी राष्ट्रपति राष्ट्रपति भोलोदिमिर जेलेन्स्कीप्रति आभार व्यक्त गरेका छन् ।
उनका अनुसार युद्धविराम अवधिमा हजारौँ कैदीको आदानप्रदान गरिनेछ । उनले यो कदम लामो, घातक र कठिन युद्ध अन्त्यतर्फको प्रारम्भिक प्रयास हुनसक्ने विश्वास व्यक्त गरेका छन् ।
ट्रम्पले भनेका छन्, 'यो दोस्रो विश्वयुद्धपछिको सबैभन्दा ठूलो द्वन्द्व हो र यसलाई अन्त्य गर्न वार्ता जारी छ ।'
© 2026 All right reserved to onlinenepal.com
Design & Developed By
