Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शनिवार , बैशाख २६, २०८३
काठमाडौं । उच्च अदालत जनकपुरले पहिलोपटक कानुन दिवसको अवसर पारेर आज जनकपुरधाममा ‘न्यायिक महोत्सव’ आयोजना गर्दैछ । अदालतले न्याय प्रणालीलाई नागरिकसँग प्रत्यक्ष जोड्ने उद्देश्यसहित विशेष कार्यक्रम गर्न लागेको हो ।
महोत्सवअन्तर्गत विभिन्न अन्तर्क्रिया कार्यक्रम, सूचना तथा सेवामूलक स्टल, कानुनी प्रदर्शनी तथा न्यायाधीशसँग प्रत्यक्ष संवाद कार्यक्रम सञ्चालन गरिने अदालतले उच्च अदालत जनकपुरका कामु मुख्य न्यायाधीश टेकनारायण कुँवरले जानकारी दिए ।
उनका अनुसार कार्यक्रम बिहान ७ बजे जनकपुरधाममा प्रभातफेरिबाट सुरु हुनेछ । त्यसपछि बिहान ९ बजेदेखि निधि भवनमा औपचारिक कार्यक्रम आयोजना गरिनेछ भने दिउँसो १ बजेदेखि विभिन्न विषयमा अन्तर्क्रिया सञ्चालन हुनेछ ।
महोत्सवको मुख्य आकर्षणका रूपमा सर्वसाधारण तथा कानुनका विद्यार्थीहरूले न्यायाधीशसँग प्रत्यक्ष भेटघाट र संवाद गर्न पाउने व्यवस्था गरिएको छ ।
कार्यक्रममा न्यायाधीशहरूले कानुनका विद्यार्थीलाई व्यावहारिक ज्ञान, अदालतका अनुभव र न्यायिक प्रक्रियाबारे जानकारी दिनेछन् ।
यस्तै, कानुन व्यवसायी र अदालतबीच समन्वय तथा न्यायिक सुधारका विषयमा छलफल हुने जनाइएको छ । स्थानीय तहका न्यायिक समिति र अदालतबीचको कार्यगत सम्बन्धबारे पनि विशेष अन्तर्क्रिया गरिने छ ।
महोत्सवमा विभिन्न कानुन क्याम्पसका शैक्षिक स्टल, सरकारी कार्यालयका सेवा तथा जानकारीमूलक स्टल, कानुनी पुस्तक प्रदर्शनी र न्यायिक प्रक्रियासम्बन्धी जानकारीमूलक प्रदर्शनीसमेत राखिनेछ ।
© 2026 All right reserved to onlinenepal.com
Design & Developed By
