काठमाडौं । निर्वाचन आयोगले उमेदवार तथा राजनीतिक दलहरूले निर्वाचन प्रयोजनका लागि शुभेच्छुक र समर्थकबाट स्वेच्छिक सहयोग लिन पाउने स्पष्ट पारेको छ ।
आयोगका प्रवक्ता नारायणप्रसाद भट्टराईले प्रचलित कानुनको सीमाभित्र रहेर प्रचारप्रसारका लागि सहयोग संकलन गर्न कुनै रोकतोक नरहेको बताएका हुन् ।
तर आयोगले कसैलाई निश्चित रकम तोकेर चन्दा माग्न नपाइने स्पष्ट निर्देशन दिएको छ । प्रवक्ता भट्टराईका अनुसार उमेदवार वा दलले निर्वाचन खर्चका लागि छुट्टै बैंक खाता खोल्नुपर्ने व्यवस्था छ ।
उक्त खातामा संकलित रकम व्यक्तिगत प्रयोजनमा खर्च गर्न नपाइने पनि उनले प्रष्ट पारे ।