Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शनिवार , मंसिर ६, २०८२
काठमाडौं । शहरी विकासमन्त्री कुलमान घिसिङले बागमती नदी करिडोर क्षेत्रको ढल व्यवस्थापन र सडक स्तरोन्नतिको कामबारे अनुगमन गरेका छन् ।
मन्त्री घिसिङले शनिबार बिहान गुहेश्वरी-गोकर्ण खण्ड अन्तर्गत गोकर्णेश्वर नगरपालिका-५ जम्बुडाँडा क्षेत्रमा पुगेर कामको प्रगतिबारे अनुगमन गरेका हुन् ।
जम्बुडाँडा क्षेत्रमा ढल र सडक मर्मतका लागि ठेक्का लगाइएको भए पनि काम सन्तोषजनक ढंगले सम्पन्न भएको छैन ।
मन्त्री घिसिङले निर्माण व्यवसायीलाई निर्देशन दिँदै भने- 'नदी सफा भए मात्र शहर सफा हुन्छ । त्यसैले ढल व्यवस्थापन, सडक मर्मत र नदीमा फालिएको फोहोर हटाउने काम उच्च प्राथमिकतामा राखिएको छ ।'
अनुगमनका क्रममा गुहेश्वरी-गोकर्ण खण्डमा बेवारिसे अवस्थामा रहेको सवारी साधन हटाइएको छ भने नदीमा फालिएको फोहोर र लेदो हटाउने काम सुरु गरिएको छ । मन्त्री घिसिङले उक्त क्षेत्रको चेक बाँध सञ्चालनमा ल्याएर साना तलाउ बनाएर पर्यटकीय क्षेत्रको रूपमा विकास गर्ने योजना रहेको बताए ।
© 2026 All right reserved to onlinenepal.com
Design & Developed By
