Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
सोमवार , मंसिर १, २०८२
काठमाडौं । सुन चोरी–पैठारी तथा ‘जिउ मास्ने’ गम्भीर आपराधिक मुद्दामा फरार रहेका दुई कैदी पक्राउ परेका छन् । पक्राउ पर्नेमा धादिङको गजुरी–१ की शान्ति भन्ने गीता लामा र काठमाडौं महानगर–३ महाराजगञ्जका मोहन महर्जन रहेका छन् ।
कैद सजाय भोग्दै आएका उनीहरू जेनजी आन्दोलनका क्रममा सुन्धाराबाट फरार भएका थिए । केन्द्रिय अनुसन्धान ब्यूरोका अनुसार शान्ति भन्ने गीता लामा ‘जिउ मास्ने’ मुद्दामा २२ वर्ष कैद सजाय भोग्दै सुन्धारास्थित महिला कैदखानामा थुनामा थिइन् ।
उनी २०७८ साल असोज ११ गतेदेखि कैद काट्दै आएकी थिइन् । उनीमाथि १ करोड ८ लाख ४२ हजार ७ सय ५० रुपैयाँ बराबरको सुनसार चोरी–पैठारी मुद्दामा ९ वर्ष कैद अतिरिक्त सजाय थियो ।
२०८१ भदौ ६ गतेदेखि उनलाई जनकपुर जेलबाट सुन्धारामा सारिएको थियो । जेनजी आन्दोलनका क्रममा भदौं २४ गते सुन्धाराबाट भागेकी लामालाई केन्द्रिय अनुसन्धान ब्यूरोको टोलीले सोमबार ललितपुर महानगरपालिका–३ धोबिघाटबाट पक्राउ गरेको हो ।
यस्तै, काठमाडौं महानगर–३ महाराजगञ्जका मोहन महर्जन सुन चोरी–पैठारी मुद्दामा सजाय कटाइरहेका थिए । उनी पनि जेनजी आन्दोलनका बीच सुन्धाराबाट फरार भएका थिए ।
उनलाई आइतबार काठमाडौं महानगर–१७ धोबिचौरबाट पक्राउ गरिएको केन्द्रिय अनुसन्धान ब्यूरोका प्रबत्ता तथा प्रहरी वरिष्ठ उपरीक्षक शिव कुमार श्रेष्ठले जानकारी दिए ।
दुवै जनालाई पक्राउ गरी आवश्यक कारबाहीका लागि कैदखाना कार्यालय जगन्नाथदेवलमा बुझाइएको छ ।
© 2026 All right reserved to onlinenepal.com
Design & Developed By
