Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शुक्रवार , कार्तिक २८, २०८२
काठमाडौँ । नेपाली कांग्रेसका सभापति शेरबहादुर देउवा र उनकी पत्नी आरजु राणा देउवा सिंगापुरमा उपचारपछि शुक्रबार राति काठमाडौँ फर्किएका छन् ।
कात्तिक १० गते उपचारका लागि सिंगापुर गएका उनीहरू १५ दिनपछि सिंगापुर एयरलाइन्सकै उडानमार्फत स्वदेश फिरेका हुन् ।
गत भदौ २४ गतेको जेनजी आन्दोलनका क्रममा बूढानीलकण्ठस्थित निजी निवासमा आन्दोलनकारीको आक्रमणमा परेका देउवा गम्भीर घाइते भएका थिए। टाउकाको पछाडि भागमा लागेको चोटका कारण १२ वटा टाँका लगाउनु परेको थियो ।
स्वास्थ्यस्थिति स्थिर भएलगत्तै चिकित्सकको परामर्शअनुसार उनी सिंगापुर पुगेका थिए । पार्टीमा देउवाको अनुपस्थितिमा उपसभापति पूर्णबहादुर खड्काले कार्यवाहकको जिम्मा सम्हालेका थिए ।
यसअघि अन्तरिम सरकारले देउवासहित केही नेताहरूको पासपोर्ट रोक्का गर्ने र राजधानी बाहिर जाँदा विशेष अनुमति लिनुपर्ने निर्णय गरेको थियो । तर देउवा विदेशमा उपचारका लागि जाने जानकारी पाएपछि सरकारले उक्त रोक फुकुवा गरेको थियो ।
देउवाको अनुपस्थितिमा असोज २८ गतेबाट सुरु भएको नेपाली कांग्रेसको केन्द्रीय समिति बैठक लगभग एक महिनादेखि जारी छ । तर महाधिवेशनको टुंगो लाग्न सकेको छैन ।
© 2026 All right reserved to onlinenepal.com
Design & Developed By
